NSFW
DaKonig
Forum Expert
Harapin Ang Liwanag
“We all die. The goal isn’t to live forever, the goal is to create something that will.” - Chuck Palahniuk
“HAAAARKKKKKKK!!!” sigaw nga mga tao sa barko at biglang nagbago ito ng mga anyo “MGA TRAYDOR!” sigaw ni Kap. Morietta na pinagtataga niya ang mga ito nung umabante ito at inatake siya. Humarap si Reyna Lucia sa kanila nung nasa ere na siya at sumigaw ito “Incendiu uimitoare (blazing fire)” na bumuga ng apoy si Reyna Lucia at nasunog ang mga aswang na tinamaan nito at nasunog pa ang ibang parte ng barko. “Mahal na Reyna!” sigaw ni Kap. Morietta na ngayon ay dalawang espada na ang hawak niya at kitang natutuwa pa ito nung pinaghihiwa niya ang mga katawan ng mga aswang. “Morietta!” tawag ni Reyna Lucia sa kanya na agad siyang tumalon na sinundan siya ng maraming aswang “Fulger negru (Black Lightning)” sigaw ni Kap. Morietta na tinamaan ang mga aswang ng kidlat na nanggagaling sa palad niya at nangisay ito nung bumagsak sa sahig ng barko.
Agad hinawakan ng Reyna ang kamay ni Kap. Morietta at lumipad sila pabalik sa palasyo “ASWAAAAANNNNGGGGG!!!” sigaw ni Kap. Morietta para ipaalam sa mga tauhan nila. “Aswang!?!” gulat na tanong ng mga sundalong bampira na agad nagbago ang kulay ng mga suot nila. “Heneral!” tawag ni Julian “Julian, pumasok ka sa palasyo at kami na ang bahala dito” utos ni Heneral Guille sa kanya “Heneral, lalaban po ako” sabi ni Julian. “Huwag matigas ang ulo Julian, mga aswang ang kalaban natin iba sila sa mga taong mortal” paliwanag ng Heneral sa kanya “pumasok ka sa loob at bantayan mo si Zoraida” utos ng Heneral sa kanya na nakita nila sa malayo si Reyna Lucia at si Kap. Morietta.
“Kamahalan, me sampung manananggal ang sumusunod sa atin” balita ni Kap. Morietta kay Reyna Lucia “Morietta” sabi ng Reyna na napangiti si Kap. Morietta sabay bitaw ng Reyna sa kanya at nahulog ito at nawala sa dilim ng gabi. “Bilisan niyo!” sigaw nung nangungunang manananggal na mabilis silang lumipad para makahabol kay Reyna Lucia, “wob… wob…. wob…” bigla nilang narinig sa paligid pero binaliwala lang nila ito. “Wob… wob… wob…” narinig ulit nila ito na huminto pa ang tatlong manananggal para tingnan kung nasaan nanggagaling ang ingay na ito “wala..” sabi nung isa na bigla nalang itong hinablot pataas at nawala ito sa dilim. “Ano ang nangyari?” tanong ng isang manananggal “hindi ko a…” hindi na nito natapos dahil pati siya hinabalot din. “Mga kasama..” hindi na natuloy nung pangatlo dahil pati ito tinangay din.
Isa-isang nawawala ang mga manananggal na humahabol kay Reyna Lucia hanggang sa apat nalang silang humabahol sa kanya at napansin nila ito kaya napahinto sila at tumingin sa likuran nila. “Ano ang nangyari sa mga kasamahan natin?” tanong nung lider ng gurpo nila “wob… wob… wob…” ingay ng pakpak na lumilipad sa paligid nila “maghanda kayo!” sabi nung lider nila. Tumingin sila sa taas, sa baba, sa kanan, sa kaliwa sa ibang direksyon para hanapin kung sino at ano ang nasa paligid nila. Nakalutang silang nakapalibot sa isang position habang nagmamasid sa paligid ng sumulpot nalang bigla si Kap. Morietta sa gitna nilang apat at umikot ito na lahat sila nahiwa ng espada niya at nahulog silang lahat sa dagat. “Hahahaha…” natatawa pa si Kap. Morietta nung sumunod ito kay Reyna Lucia pabalik sa palasyo.
Nung dumating ang Reyna agad siyang nilapitan ni Hen. Guille “mga aswang ang sakay ng barko, Heneral” balita ng Reyna sa kanya “opo, mahal na Reyna” sabi ni Heneral Guille na tinaas nito ang kanang kamay “INCENDIU! (FIRE!)” sigaw niya. Sunod-sunod na pumutok ang mga kanyon nila at tinamaan nito ang tatlong barkong papalapit sa kaharian nila “WAG NIYONG TIGILAN!” sigaw ni Heneral Guille na nakita niyang dumapo si Kap. Morietta at dahan-dahan itong bumalik sa sarili niyang anyo nung naglakad ito palapit sa kanya. “Heneral!” tawag niya “Kapitan, ihanda mo ang mga tauhan mo” “opo, Heneral” sagot ni Kap. Morietta na dinaanan niya si Julian at nilagay ang kamay niya sa dibdib ng binata at nagbago ang kulay ng suot ni Julian. “Yan!” sabi ni Kap. Morietta sa kanya bago ito umalis at tinawag ang mga tauhan niya.
“Mahal na Reyna pumasok na po kayo sa palasyo, kami na po ang bahala dito” payo ni Hen. Guille sa kanya “hindi, ako ang pinuno dito kaya dapat nasa harapan ako” sabi ng Reyna sa kanya. “Julian, pumasok kana sa loob at bantayan mo si Zoraida” utos ng Reyna sa kanya “mahal na Reyna pwedeng dito..”. “HINDI!” sigaw ni Hen. Guille sa kanya “sige na Julian pumasok kana sa loob at gawin mo na ang inuutos ko sayo” sabi ng Reyna sa kanya “opo, kamahalan” sabi ni Julian at pumasok na siya sa loob. “MAGHANDA KAYO!” sigaw ni Heneral Guille sa lahat ng tauhan nila nung huminto malapit sa baybay nila ang dalawng barko at nakita nilang nagsilabasan ang mga aswang na tumakbo pa ito patungo sa hagdanan paakyat sa palasyo at nagliparan narin ang mga manananggal.
“KAPITAN MORIETTA!” sigaw ni Reyna Lucia “Sa zboare si apara castelul (lumipad kayo at ipagtanggol ang palasyo)” sabi ni Kapitan Morietta sa mga tauhan niya na nagkaroon ito ng mga pakpak at sabay silang lahat na lumipad para salubongin ang mga manananggal. “PENTRU MAJESTATEA SA REGINA LUCIA (PARA SA MAHAL NA REYNA NA SI REYNA LUCIA!)” sigaw ni Kapitan Morietta nung nasa ere na sila “HAH!” sigaw ng mga tauhan niya sabay labas ng mga espada nila at nagsagupaan na sila laban sa manananggal. “Mahal na Reyna!” tawag ni Hen. Guille “nakita ko, Heneral” sabi ni Reyna Lucia na lumabas sa palad niya ang espada niya at sumigaw siya “PENTRU REGATUL NOSTRU, PENTRU CLANUL NOSTRU, INCARCARE! (PARA SA ATING KAHARIAN! PARA SA ATING ANGKAN! SUGOD!)” lahat sila sumugod nung dumating na ang mga aswang sa harap ng palasyo.
Maraming aswang ang napatay nila nung nagsagupaan na sila, lahat ng mga sundalo ng Reyna ay iniensayo gabi-gabi ni Heneral Guille kahit na nasa panahon sila ng kapayapaan. Ito kasi ang payo ng dating Heneral ng Reyna na si Heneral Enzo kay Hen. Guille “kahit nasa panahon pa tayo ng katahimikan at kapayapaan, hindi masama na talasan natin ang ating abilidad, kakayahan at ating talino pagdating sa digmaan”. Me mga bagong dalang armas ang mga aswang kaya hindi naiwasang malagasan ng tauhan si Reyna Lucia pero hindi parin sila tumigil sa pakikipaglaban para hindi makapasok sa palasyo ang mga aswang. “HENERAL!” sigaw ng isang tauhan nila na tinuro nito ang direksyon ng mga barko at nakita nilang me paparating na mala higanting aswang sa palasyo.
Bigla nalang itong dumapo sa harapan mismo ng mga tauhan ng Reyna at isa-isang napatapon nung sinuntok sila nito kaya agad na tumakbo si Heneral Guille papunta dun para harapin ang higanting aswang. “Heneral!” tawag nung aswang sa kanya nung makita siyang papalapit nito na agad itong tumakbo para salubongin siya “HUWAG NIYO SIYANG LAPITAN, AKIN SIYA!” nakangiting sabi ni Hen. Guille na naging higanting bampira ito at nung nag-abot sila naglock ang dalawang kamay nila na nagpapaligsahan sila kung sino ang malakas sa kanilang dalawa. “HUWAG KAYONG UMALIS SA PWESTO NIYO!” sigaw ni Reyna Lucia na me tatlong aswang na nakatuhog sa espada niya.
Sa ibabaw naman isa-isa ding nahuhulog ang mga manananggal na napapatay ng mga tauhan ni Kap. Morietta “Fulger negru (Black Lightning)” sigaw niya na bumagsak sa lupa ang limang manananggal nung tinamaan nito. “Kapitan!” tawag sa isa sa tauhan niya na nakita niyang me tatlong aswang ang nakalusot sa barikada nina Reyna Lucia at pumasok ito sa terrace ng palasyo. “Boris, ikaw muna ang bahala dito!” utos niya sa tauhan niya “OPO KAPITAN!” sagot nito na nagmamadaling bumaba si Kap. Morietta para habulin ang mga aswang na pumasok sa palasyo. “MAHAL NA REYNA!” tawag niya nung papalapit na siya sa terrace “PATAYIN MO SILA!” sigaw ni Reyna Lucia sa kanya na tumango si Kap. Morietta at pumasok ito sa loob.
“GRAAAAHHHHHHHH….” sumigaw si Reyna Lucia at naging itim na dragon siya at binugahan niya ng apoy ang mga aswang na lumapit sa kanya, nagsitakbuhan ang mga ito habang yung hindi nakailag naging abo ito. Sinuntok si Hen. Guille sa mukha ng higating aswang na napaluhod siya “yun lang?” nakangiting tanong ni Hen. Guille sa kanya na sinuntok niya ito sa tyan kasabay ang paglabas ng malaking espada niya sa likod ng higating aswang “GAAAAHHHHHHH….” napasigaw ito sa sakit. Sinuntok muli ito ni Hen. Guille gamit ang isang kamay niya at ganun din ang nangyari me isa pang espada niya ang lumusot sa likod nito at inangat niya ito sa ere at hiniwa ito sa dalawa dahilan para tumakbo palayo ang mga aswang sa kanya.
Kumonte na ang mga aswang sa paligid nila “Heneral, umaatras na yung mga aswang!” balita ni Leonides sa kanya “HAHAHAHA.. AKALA KO BA MATATAPANG KAYO!” pangungutya ni Hen. Guille sa kanila na bumalik ito sa sarili niyang anyo. Lumipad si Reyna Lucia at inatake niya ang dalawang barkong nakaparada lang malapit sa dalampasigan nila at sinunog niya ito, pagkatapos bumalik siya sa naghihintay niyang mga tauhan at bumalik siya sa sarili niyang anyo nung nasa lupa na siya. “Mahal na Reyna tagumpay po tayo!” sabi ni Heneral Guille sa kanya na nagsisigawan at naghihiyawan ang mga tauhan nila sa likod.
“Hindi pa tapos, Heneral” sabi ni Reyna Lucia sa kanya “HUWAG KAYONG MAGING KAMPANTE, MAGING ALERTO!” sigaw ni Hen. Guille sa kanila “OPO HENERAL!” sagot ng mga tauhan nila. “Mahal na Reyna, me tatlong aswang po ang nakapasok sa palasyo” balita ni Boris sa kanya na agad naging anino si Reyna Lucia at pumasok ito sa palasyo. “Heneral!” tawag ni Yuri sa kanya “ano yun?” tanong niya “me masamang balita ako” sagot niya na napalingon sa kanya ang Heneral. Si Yuri ay strategy expert ng kaharian at siya ang nagbibigay ng mga payo kung paano at saan at ano ang gagawin ng mga sundalo ng Reyna. Kaya nag-aalala si Heneral Guille sa sinabi nitong “masamang balita” “ano ang masamang balita, Yuri?” tanong ng Heneral “sa tatlong daang sundalo ng Reyna limangpu’t apat ang napatay nila” umpisa niya.
“HMP!” lang ang Heneral “hindi lang yun Heneral” patuloy ni Yuri “me dalawang oras nalang tayo dito sa labas ng palasyo, pagkatapos ng oras na yun limitado na ang galaw natin dahil lalabas na ang araw” balita niya sa Heneral. “Salamat Yuri” sabi ni Hen. Guille sa kanya na niyuko nito ang ulo at bumalik sa pwesto niya “ano ang gagawin natin, Heneral?” tanong ng isang tauhan niya “gamitin natin ang isa at kalahating oras na yun para pigilan ang mga aswang na nagbabalak pumasok sa palasyo” sabi niya sa mga tauhan niya. “Pagkatapos niyan papasok na tayo sa loob at maghahanda sa ano mang mangyari” dagdag niya “HAH!” sagot ng mga tauhan niya.
Sa loob ng palasyo nagmamadaling tumakbo papunta kina Julian at Zoraida si Kap. Morietta dahil alam niya ang Aklat ng Dilim ang pakay nito, pagdating niya sa silid ng truno ng Reyna nakita niya si Julian na nakikipaglaban sa tatlong aswang. “ASWANG!” sigaw ni Kapitan Morietta na humarap sa kanya ang dalawa at mabilis niya itong napatay habang yung isa naman ay napatay ni Julian “magaling, Julian” papuri ni Kapitan sa kanya. “Salamat po, Kapitan” sabi ni Julian na biglang dumating ang Reyna at natuwa ito na walang nangyari sa kanilang dalawa ni Zoraida “mahal na Reyna” niyuko nilang tatlo ang ulo nila at kinawayan sila ng Reyna. “Ang Aklat ng Dilim, Zoraida?” tanong ng Reyna “nandito po, mahal na Reyna” sagot ng matandang mangkukulam.
Nasunog ang tatlong barkong sinakyan ng mga aswang habang ang natitirang mga aswang ay nasa gilid lang ng baybay na pinapana ito ng mga sundalo ni Reyna Lucia at pinuputokan din nila ito ng mga kanyon nila. “Huwag niyong tigilan hanggat hindi sila nauubos” utos ni Heneral Guille sa mga tauhan niya na natutuwa ito sa resulta ng digmaang ito pero lingid sa kaalaman nila me limang barko pa pala ang nasa laot at naghihintay lang ito ng tamang oras. “Reyna Olivia, hindi ka ba nanghihinayang sa mga tauhan mo?” tanong ng matandang Heneral sa likuran niya “hmp! marami pa akong mga tauhan na handang ibuwis ang buhay alang-alang sa akin” sagot ng Reyna ng mga aswang na si Olivia. .
“Sa akin lang naman, mukhang sayang ang ibuwis ang buhay kung pwede mo itong magamit sa ibang paraan” sabi ng Heneral sa kanya “ako na ang bahala sa puntong ito, Heneral” sagot ng Reyna sa kanya. “Basta ang kasundoan natin, huwag na huwag mong kakalimutan” sabi ng Heneral sa kanya “hahaha.. wala akong pakialaman sa kayamanan ng palasyo ang importante sa akin mabawi ko ang Aklat ng Dilim” sagot ng Reyna sa kanya na nagkaroon ito ng pakpak. “Dalawang oras ang ibibigay ko sayo, Reyna Olivia” sabi ng Heneral sa kanya “hindi aabot sa oras na yan ang gagawin ko” sagot ng Reyna na lumipad ito kasama ang mga tauhan niya. “Kapitan Marquez!” tawag ng Heneral sa kanya “opo, Heneral?” sagot nito. “Ipagbigay alam sa buong armada na ihanda ang kanyon” utos niya “masusunod po, Heneral Rosales”.
// itutuloy ....
