NSFW
DaKonig
Forum Expert
Harapin Ang Liwanag
“We all die. The goal isn’t to live forever, the goal is to create something that will.” - Chuck Palahniuk
“Bakit kayo narito?” tanong ko sa kanya “natural, anak kita” sabi niya na natawa lang ako “kinikilala mo pa pala akong anak?” tanong ko na binuksan niya ang pinto ng kotse niya “salamat, magtataxi nalang ako” sabi ko sa kanya. “Ganyan ka ba palagi?” tanong niya “sa tingin niyo po?” balik kong tanong sa kanya “haayy… kung yan ang gusto mo” sabi niya na sumakay ito sa likod at binuksan ang bintana niya “sasabihin ko sa mama mo na lumabas kana” sabi ni papa sa akin “salamat!” sagot ko na umalis na sila. Napaluha nalang ako at napatingin sa kotse niyang papalayo sa akin “papa…” nasabi ko habang nagpapahid ako ng luha at pumara ako ng taxi at sumakay nito “saan po ma’am?” tanong nung driver “sa presinto tayo ng QCPD manong” sabi ko sa kanya at tumango ito at umalis na kami.
Makalipas ang ilang oras nakarating na sila sa distinasyon nila at dumapo sila sa terrace ng palasyo, bumalik na sila sa dati nilang anyo at unang naglakad papasok sa loob ang matanda habang naiwan si Julian sa terrace. “Julian” tawag ni Zoraida sa kanya na nakita niyang nakatingin lang si Julian sa malayo “naalala ko pa nung kasama ko ang mahal na Reyna dito” sabi ni Julian “……” hindi na nagsalita ang matanda. “Dito niya sinabi sa akin ang tungkol sa liwanag na haharapin ng mga bampira pagnagmahal sila” patuloy niya na lumingon siya sa matanda na kita niyang naglakad ito papalapit sa kanya. “Ano ba ang naalala mo?” tanong ni Zoraida “huling naalala ko ang gabing bumyahe tayo papunta sa pagpupulong, nung nagising na ako nakita ko nalang na pinapalibutan na ako ng mga taong puno at.. ” natahimik nalang si Julian at tiningnan ang mga kamay niya “ganito na ako” dagdag niya.
“Haayy.. patawarin mo sana ang Reyna Lucia, Julian” sabi ng matanda sa kanya na hinawakan siya sa kamay “binura niya ang alaalang yun para narin sa kapakanan mo” dagdag ni Zoraida. “Bakit po.. bakit po ginawa ng Reyna sa akin ito? Bakit nasa akin ang kapangyarihan niya?” takang tanong ni Julian sa kanya na lumingon sa dagat ang matanda “me nangyari noon na muntik ka ng mamatay, Julian” kwento ng matanda sa kanya na nagulat si Julian “a…ano po ang nangyari noon?” tanong ni Julian na napangiti ang matanda at nagsimula itong ikwento ang nangyari noon dalawang daang taon na ang nakalipas.
Naglalakbay na tayo noon papunta sa lugar ng pagpupulong, nakita ng Reyna na mahimbing na ang pagtulog mo kaya kinausap niya ako tungkol sa nangyari sayo noon sa kamay ni Don Faustino. “Hindi ko nagustohan ang ginawa ng taong yun kay Julian, Zoraida” sabi ng Reyna sa akin “mahal na Reyna wala naman pong masamang nangyari kay Julian” sabi ko sa kanya “hindi ko nagustohan ang ginawa niya” sabi ng Reyna sa akin na kita kong nakatingin lang siya sayo. “Mahal na Reyna patawad po sa pag-abala” sabi nung isang bantay sa labas ng karwahe “ano yun?” tanong ng Reyna “binalita po ni Heneral na me mga mortal na sundalo po ang nagbabantay sa dulo ng daan na tinatahak natin” balita nito “ihinto ang prosesyon at maghanap ng ibang madadaanan, ayaw kong makita nila tayo” utos ng Reyna sa sundalo “masusunod po, kamahalan” sagot nito at umalis na ito.
“Mahal na Reyna” sabi ni Heneral Guille “hmm?” “kung lalabas po tayo sa rutang ito mapapalayo po ang byahe natin, payo ko po na kausapin nalang natin ang mga sundalong mortal para padaanin tayo para hindi tayo bigyan ng problema” payo ng Heneral sa kanya. “Sige, ituloy ang pagbyahe natin ako na ang bahala sa kanila” sabi ng Reyna na napatingin lang sa kanya ang Heneral “me problema ba, Guille?” tanong ng Reyna “ah.. wala po kamahalan” sagot ng Heneral at sumigaw ito nung bumalik ito sa pwesto niya “ABANTE!” kaya tumakbo muli ang prosesyon nila patungo sa nakabantay na mga sundalong mortal.
Nakita ng Heneral na nakaharang na ang dalawang sundalong mortal sa daanan nila at tila me nakaharang na kawayan sa likod nila, tinaas ng isang sundalo ang kamay niya hudyat na pinapahinto sila. “Magandang gabi sa inyo mga ginoo” bati ni Heneral sa kanila “magandang gabi naman, saan ba ang punta natin?” tanong ng isang sundalo “me dadaluhan kaming pagpupulong sa kabilang ibayo, kung mamarapatin niyo po na kami ay pagbigyan na dumaan sa rutang ito” paalam ng Heneral sa kanya na kita niyang tumingin ito sa karwahe ng Reyna. “Ginoo?” tanong ng Heneral dahil hindi siya nito sinagot na suminyas pa ito sa dalawang sundalong mortal na nag-aabang lang din at tinuro ang karwahe ng Reyna. “Ginoo, papayagan niyo ba kaming dumaan?” tanong ng Heneral na ngayon ay nakahawak na sa hawakan ng espada niya.
Naglakad papunta ang tatlo sa karwahe ng Reyna habang yung isang sundalo nakatayo lang sa position niya at nakawahak sa hawakan ng espada niya “Ginoo” tawag ng Heneral “ipagpatawad niyo po, Ginoo pero ginagawa lang namin ang aming tongkulin” sagot nung isang sundalo na nasa harap nila. “Magandang gabi sa inyo” bati ng mga bampira sa mga sundalong mortal na dumaan sa gilid nila papunta sa karwahe. “Mahal na Reyna” tawag ko sa kanya “wag kang mag-alala Zoraida” sabi niya sa akin na narinig naming kumatok ang sundalo sa pintuan ng karwahe at binuksan ito ng Reyna “magandang gabi sayo, binibini” sabi nung sundalo kay Reyna Lucia “magandang gabi naman sa inyo, mga ginoo” bati din ng Reyna “ipagpaumanhin niyo po ang pag-aabala namin sa inyo” sabi nung sundalo sa Reyna na bigla nalang silang napahinto nung tumingin silang tatlo sa mahal na Reyna.
“Masusunod po, kamahalan” biglang sabi nung tatlo at niyuko ang mga ulo nila bago sinara nung isa ang pintuan ng karwahe “wala ng problema” sabi ng Reyna sa akin na kita kong ginamitan pala niya ito ng kapangyarihan niya. “ABANTE!” narinig ko nalang na sumigaw si Hen. Guille at dinaanan namin ang mga sundalong mortal na nakaluhod ang mga ito sa lupa pagbigay pugay sa mahal na Reyna. “Mahal na Reyna?” sabi ko sa kanya na kita kong napangiti lang siya at sabing “walang problema” na napangiti nalang din ako sa kanya. Makalipas ang ilang oras nakaraitng na sila sa lugar at nakita nilang kakarating lang din ng ibang mga angkan. “Maligayang pagdating sa inyo, Reyna Lucia” bati ng representate ng konseho na niyuko ni Reyna Lucia ang ulo niya pagbigay respeto sa kanya. “Dito po tayo, kamahalan” yaya niya na sumunod silang lahat sa kanya.
Nakita nila ang ibang angkan na naglalakad kasunod ang representante ng konseho “Reyna Lucia, maligayang pagdating sayo” bati ni Ingkon Romolo ang pinuno ng mga taong lobo “maligayang pagbati sayo, Ingkon Romolo” bati ng Reyna sa kanya. “Guillermo!” tawag ng Heneral ng mga lobo “Dante, kumusta kana? Tila hindi ata nagbabago ang pangamoy mo” biro ni Hen. Guille sa kanya “at hindi parin nagbabago ang kulay mo at tila pumutla ka pa lalo” balik niya na nagkamayan silang dalawa. Pansin pa namin na parang mahigpit ang pagkamayan nilang dalawa na pinapakita nila kung sino ang malakas sa kanilang dalawa. “Guillermo” tawag ni Reyna Lucia “Dante” tawag ni Ingkong Romolo na agad bumitaw ang dalawa at nagtawanan sila.
Napangiti nalang si Reyna Lucia kay Ingkong Romolo “ang mga Heneral talaga natin” sabi ni Ingkong na napangiti narin ito “ipagpaumanhin niyo po mga kamahalan” pagputol nug representate “malapit na pong mag-uumpisa ang pagpupulong” paalala nito sa kanila. Naglakad na sila papunta sa gitna ng gubat kung saan gaganapin ang pagpupulong, tinuro ng representate kung saan uupo ang Reyna at mga tauhan niya at nagpalam narin ito nung nakaupo na sila. Nakaupo sa unahan si Reyna Lucia habang nasa kanang likod niya si Heneral Guille at sa kaliwa si Zoraida at nasa kanang bahagi naman ang grupo ng mga taong lobo kasunod nito ang grupo ng mga engkanto. Sa kaliwa naman ay ang mga taong puno at sa dulo nito ang grupo ng mga aswang.
Lumabas na ang limang membro ng konseho at naupo sila sa harap ng limang angkan “magandang gabi sa inyong lahat, naway naging maayos ang pagpunta niyo dito sa pagpupulong” bati ng pinuno ng limang konseho na si Ugat isang taong puno. “Naririto tayong lahat dahil me nais iparating ang angkan ng mga aswang” sabi nito “Reyna Olivia” tawag niya sa Reyna ng mga aswang na tumayo ito at naglakad sa harap ng Konseho at ng limang angkan. “Sa mga hindi pa nakakakilala sa akin (tumingin siya mula sa kaliwa papuntang kanan) ako si Olivia ang bagong Reyna ng mga aswang” pakilala niya sa lahat. “Nung nakaraang buwan lang, pumanaw ang mahal kong ina na si Claudia at ako ang pumalit sa posisyon niya bilang pinuno ng mga asawang” paalam niya sa lahat “naririto ako dahil… ” napatigil ito nung naamoy niya si Julian.
“Me problema ba, Reyna Olivia?” tanong ni Reyna Lucia dahil napansin niyang nakatitig ito kay Julian “hmp! Narriito ako dahil sa mga taong mortal na pumapasok sa teritoryo ko” balita niya na hindi parin niya inalis ang tingin niya kay Julian. “Mga mortal?” tanong ni Haring Narra “oo, mga mortal na umaaligid sa kaharian ko at tumatayo ng komyunidad sa labas mismo ng kaharian ko” balita niya. “Wala naman akong nakikitang masama dun kung nasa labas lang sila ng kaharian mo” sabi ni Helius Hari ng mga Engkanto “sa ngayon OO, pero kalaunan papasok din sila sa teritoryo ko” sabi ni Reyna Olivia. “Hmm… napapansin ko nga din na dumadami ang mga taong mortal” sabi ni Ingkong Romolo.
“Hindi ba, Ingkong Romolo, sumasang-ayon kayo sa akin na nagiging abala na sila sa teritoryo natin?” tanong ni Reyna Olivia sa kanya. “patawad Reyna Olivia hindi dahil nagsalita ako tungkol sa kanila ibig sabihin sumasang-ayon na ako sayo” sagot ng nakakatandang lobo. “Sinabi ko lang na dumadami ang mga taong mortal hindi sila abala” paglilinaw ni Ingkong Romolo sa kanya na nainis ito at humarap sa pinuno ng Konseho. “Pinuno, me isang hiling lang ako kung papayagan niyo po ako” sabi niya “ano yun, Reyna Olivia?” tanong niya “alam kong me batas tayo na nagbabawal sa ating umaksyon laban sa mga mortal…” sabi ni Reyna Olivia na pinigilan siya ni Zenaida isang aswang na membro ng Konseho.
“Ipagpatawad mo ang aking pagpigil sayo, Reyna Olivia, alam ko kung ano ang gusto mo hingiin sa Konsehong ito, naway maiintindihan mo na mahigpit parin naming pinapatupad ang batas na yun” paliwanag niya kay Reyna Olivia. “Kung bibigyan ka namin ng pahintulot na gawin ang gusto mo, dapat maging patas din kami sa lahat ng mga angkan, hindi ba?” tanong ni Anita isang Engkanto na nakaupo sa kaliwa ni Zenaida. “Pero.. nababahala na ako sa mga mortal na pumapasok sa teritoryo ko, hindi maiwasan ng mga tauhan ko na gumawa ng hindi kanais-nais sa kanila” sabi ni Reyna Olivia. “Ipagpatawad mo kung hindi naman ibibigay ang hiling mo Reyna Olvia” sabi ni Ugat na biglang tumingin si Reyna Olivia kay Reyna Lucia.
“Kung ganun, me isang hiling lang ako mula sa Reyna ng mga Bampira” sabi ni Reyna Olivia na napatingin sa kanya si Reyna Lucia at tumayo ito sa kinauupoan niya “ano ang ihihiling mo sa akin, Reyna Olivia” kalmadong tanong ni Reyna Lucia sa kanya. “Ang Aklaht ng Dilim!” sabi nito na nagulat silang lahat “Reyna Olivia, alam mong pinagbabawal na sa mga aswang ang aklat na iyon” sabi ni Ugat sa kanya “alam ko, pero ang ina ko ang nagmamay-ari sa aklat na yun at hindi ang mga bampira” sabi niya “alam kong nasa posisyon nila ito dahil nung huling digmaan ng mga angkan kinuha ito ni Haring Voltaire” dagdag ni Reyna Olivia. “Binigay namin kay Haring Voltaire ang Aklat ng DIlim hindi niya ito kinuha” paliwanag ni Ugat sa kanya.
“Pwes, babawiin ko na ngayon ang Aklat ng Dilim” sabi ni Reyna Olivia na kita nilang gumalaw ang mga aswang kaya humawak agad ang mga bampira sa mga espada nila pati narin ang ibang angkan. “MAGSITIGIL KAYO!” sigaw ni Ugat na napatigil silang lahat “KUNG SINO MAN ANG BUBUNOT SA ARMAS NILA AY MATITIKMAN ANG LUPIT NG KAPANGYARIHAN KO!” banta ni Pinunong Ugat na napaupo silang lahat pati narin ang mga aswang maliban kay Reyna Olivia at Lucia. “Lumabas din ang totoong pakay mo sa pagpupulong na ito, Olivia” sabi ni Reyna Lucia sa kanya na napangiti si Reyna Olivia at biglang nagbagong anyo ito na naging sampung talampakan itong halimaw na me pakpak sa harapan ni Reyna Lucia. “OLIVIA!” parehong napasigaw ang liming Konseho na tumingala si Reyna Lucia kay Reyna Olivia na ngayon ay tinaas na ang espada niya para atakihin siya.
“PAPATAYIN KITA LUCIA PATI ANG MGA TAUHAN MO, LALONG-LALO NA ANG AMPON MONG MORTAL!” sigaw ni Reyna Olivia, nung marinig ito ni Reyna Lucia ang banta sa buhay ni Julian bigla siyang umikot at doon dahan-dahang umatras si Reyna Olivia papalayo sa kanya nung makita niya ang pagbabagong anyo ni Reyna Lucia. “Ok lang sa akin kung ako ang bantaan mo, Olivia” sabi ni Reyna Lucia sa kanya na lahat sila napaatras sa pagbabago ni Lucia. “Kung babantaan mo ang buhay ng mga tauhan ko lalong-lalo na si Julian, ANG APOY NG GALIT KO ANG SUSUNOG SA IYO!” galit na sabi ni Reyna Lucia nung naging higanting itim na dragon ito sa harapan niya.
Kalmado lang ang lahat ng bampira na nakatayo lang sa likod ng Reyna habang nakawahak narin sila sa hawakan ng espada nila “REYNA LUCIA HINDI MO NA KAILANGAN PANG MAGBAGO NG ANYO!” sigaw ng Pinuno ng Konseho na si Ugat. “Patawad po, Pinuno” paumanhi ni Reyna Lucia na biglang me itim na usok na umikot sa katawan niya at bumalik ito sa sarili niyang anyo pati narin si Reyna Olivia. “Reyna Olivia!” tawag ni Zenaida “aalis na kami” paalam ng Reyna ng mga aswang at nagsialisan na sila “teka lang, Reyna Olivia” tawag ni Ingkong Romolo sa kanya “ano ang kailangan mo sa akin, aso?” tanong ni Reyna Olivia na napailing lang si Haring Narra “maging mahinahon ka sana sa susunod mong pagbalik dito” sabi ni Ingkong Romolo sa kanya na tumalikod na ito at umalis na ang angkan ng mga aswang.
“Mahal na Reyna” tawag ni Julian sa kanya na napangiti ito nung humarap siya kay Julian “maayos lang ako, Julian” pasiguro ng Reyna sa kanya “nagulat naman ako sa ginawa mo, kamahalan” sabi ni Zoraida sa kanya. “Sinunog mo na sana ang bruhang yun, mahal na Reyna” sabi ni Hen Guille sa kanya “hindi tayo pumunta dito Heneral para makipag-away, tandaan mo yan” kalmadong sabi ni Reyna Lucia sa kanya na napangiti lang ang ibang bampira pati narin si Julian. “Sino ba ang naging dragon kanina?” sarkastikong tanong ni Hen. Guille na tiningnan siya ng Reyna kaya napaatras ito “patawad, mahal na Reyna” sabi agad nito na nginitian siya ni Reyna Lucia.
Lumakad sa gitna si Reyna Lucia “patawarin niyo sana ako sa inasal ko kanina” humingi siya ng tawad sa lahat “hindi ko napigilan ang sarili ko” niyuko niya ang ulo niya para humingi ng tawad sa ibang angkan. “Hindi mo na kailangan pang humingi ng tawag sa amin, Reyna Lucia” sabi ni Haring Narra na nakangiti itong nakatingin sa kanya “naiintindihan ko, Reyna Lucia” sabi ni Haring Helius. “Ako man din ay napahanga sa katapatan mo sa mga tauhan mo, mahal na Reyna” sabi ni Ingkong Romolo sa kanya na napatingin ito kay Julian. “Salamat at naintindihan niy ako” sagot ng Reyna sa mga sinabi nila, pagkatapos ng pagpupulong naglakad na sila papunta sa kani-kanilang pansamantalang kampo.
“Mahal na Reyna, ipagpaumanhin niyo po” sabi ng isang sundalo niya “ano yun, Mauro?” tanong ni Reyna Lucia “nandito po ang isa sa tauhan ni Ingkong Romolo para imbitahan po kayo sa konting salo-salo sa kampo niya” balita ni Mauro. Lumabas sa tent niya si Reyna Lucia “sabihin mo kay Ingkong Romolo na susunod ako” sabi niya sa tauhan nito “makakarating po, kamahalan” at nagpaalam na ito at umalis. Kasama si Zoraida nagtungo ang grupo ng Reyna kasama ang dalawang bampirang bantay niya sa kampo ni Ingkong Romolo habang naiwan naman sa kampo nila si Julian at iba pa nilang kasamahan.
“Julian!” tawag ni Hen. Guille sa kanya “opo, Heneral?” tanong ni Julian “tsk tsk tsk.. mag eensayo tayo” sabi ni Hen. Guille sa kanya “ho? akala ko ho ba sa pagbalik na natin sa palasyo?” takang tanong ni Julian. “Lumalambot kana eh, nagpapagulpi ka sa taong yun kaya mag-eensayo tayo ngayon” sabi ni Hen. Guille sa kanya “kukunin ko lang po ang espada ko” sabi ni Julian “huwag kana mag-abala dun, hindi espada ang gagamitin natin” sabi ni Hen. Guille na pinakita nito ang kamao niya kay Julian. “Ito ang gagamitin natin” sabi niya na napalunok ng laway si Julian “hahahaha.. talaga ikaw, Guillermo hindi ka parin nagbabago” biglang sabi ni Hen. Dante ng mga lobo na nakatayo ito sa labas ng kampo nila kasama si Solomon.
“Julian” tawag ni Solomon sa kanya na nginitian siya ni Julian “kaibigan” sabi ni Julian na lalapitan na sana niya si Solomon ng biglang sinuntok siya ni Hen Guiller kaya umilag siya. “Hindi ba sabi ko sayo mag-eensayo tayo?” sabi ng Heneral sa kanya na dinepensahan ni Julian ang sarili niya sa mga suntok ni Hen. Guille sa kanya. “Ilag Julian” sigaw ni Solomon na magkikinse palang “hahaha… huwag kang mag-alala Julian hindi ka talaga niya sasaktan” sabi ni Hen. Dante na napatingin si Julian sa kanya kaya natamaan siya ni Hen. Guille sa panga at bumagsak ito sa lupa. “Julian!” sumigaw si Solomon at tumakbo ito palapit sa kanya “haayy…” nalang si Heneral Guille nung makita niyang nawalan ng malay si Julian “hahaha.. tara Guillermo, me espesyal akong alak na hinanda sa okasyon na ito” sabi ni Dante sa kanya na sabay silang naglakad at iniwan ang dalawa habang pilit ginigising ni Solomon si Julian na natutulog sa lupa.
“Hmmm.. nag-aalala talaga ako sa batang yan” sabi ni Reyna Lucia nung makita ang sinapit ni Julian “hehehe.. hindi ko akalain na ito na pala ang batang masakitin noon” sabi ni Ingkong Romolo. Napangiti ang Reyna “oo, magaling kasi si Zoraida pagdating sa gamot” papuri niya kay Zoraida “maraming salamat po, mahal na Reyna” sabi ni Zoraida sa kanya. “Hmm…. me itatanong lang sana ako kung hindi mo sana mamasamain, Reyna Lucia” sabi ni Ingkong Romolo sa kanya. “Hindi, sige sabihin niyo po, Ingkong” sabi ni Reyna Lucia “ano ba ang plano mo kay Julian? Alam kong labing walong taon na siyang nasa palasyo mo pero hanggang ngayon hindi mo parin siya ginawang…” putol ni Ingkong Romolo na ngumiti lang si Reyna Lucia.
“Iba kasi si Julian sa lahat ng taong nakasalimuha ko, iba ang liwanag na nanggagaling sa puso niya kaya binigay ko sa kanya ang karapatan kung kelan o kung gusto niyang maging kapareho namin” paliwanag ng Reyna sa kanya. “Liwanag?” tanong ni Ingkong Romolo “oo, iba ang liawanag ni Julian sa tuwing nakikita ko siya” sabi ng Reyna “dahil siguro sa pagmamahal na binibigay ni Isabella sa kanya, kaya siguro ganyan ka sinag ang puso ni Julian” sabi ni Zoraida. “Hahaha.. kaya naman pala, si Julian pala ang liwanag sa dilim niyo” sabi ni Ingkong Romolo na natawa si Reyna Lucia. “Kaya binibigay ko sa kanya ang karapatan na yun dahil alam kong magiging malaking pagbabago ito sa buhay niya” sabi ni Reyna Lucia.
Bumangon na si Julian at tinawanan lang siya ni Solomon “ikaw kasi, hindi ka umilag” sabi ni Solomon sa kanya “hmp! Tulongan mo nalang akong tumayo” sabi ni Julian sa kanya na tinulongan siya ni Solomon. “Tumangkad ka ah?” Tanong ni Julian sa kanya dahil hanggang ilong na niya ito na dati nasa balikat lang niya “hehehe iba kaming mga lobo Julian, mabilis kaming lumaki” sabi ni Solomon sa kanya. “Kumusta kana pala?” tanong ni Solomon sa kanya “heto, masaya hehehe” sagot ni Julian na biglang me naamoy sa kanya si Solomon at tumawa ito “hoy! Bastos to” sabi ni Julian sa kanya na namula bigla si Solomon. “Naamoy ko si… hehehe” natawa ito na hinawakan siya sa ilong ni Julian at sabi “itigil mo yan Solmon, nakakahiya!” sabi ni Julian sa kanya na tumawa lang si Solomon.
Balik sa kasalukuyan: “Yun ang nangyari noon sa pagpupulong, Julian” sabi ni Zoraida sa kanya na hinawakan siya nito sa balikat “binura ng Reyna ang alala mong yun pati narin ang nangyari nung gabing bumalik tayo dito sa palasyo” sabi ni Zoraida. “Me nangyari dito sa palasyo?” tanong ni Julian sa kanya “oo, hindi yun ang huling pagtatagpo ni Reyna Lucia at ang Reyna ng mga aswang na si Olivia” sabi ni Zoraida na makikita sa pader ng palasyo at sa paligid nito ang bakas ng digmaan ng dalawang angkan noon. “Ano ho ba ang nangyari noon sa pagitan ng bampira at ng mga aswang?” tanong ni Julian na tumingin sa malayo si Zoraida at lumingon ito kay Julian “kamatayan” sagot ng matanda sa kanya.
// itutuloy ....
