NSFW
DaKonig
Forum Expert
CARNAL BOOK III
"Out of suffering have emerged the strongest souls; the most massive characters are seared with scars." - Khalil Gibran
Chapter 18
-- Blue Heights Tower --
- Earlier that Day:
“Sony, Dino” tawag ni Rosana “boss” sagot ng dalawa “maghanda kayo, lilipat na tayo sa bago nating tirahan” utos ni Rosana sa kanila “masusunod, boss” sagot ni Dino at pumasok na silang dalawa sa loob ng bahay. Lumabas si Esmeralda at lumapit sa kanya “mama” “oras na para kumilos tayo anak” sabi ni Rosana kay Esmeralda na niyuko ng dalaga ang ulo niya at yumakap siya sa mama niya. “Speravo che non va da questo (umaasa akong hindi sana hahantong sa ganito)” sabi ni Rosana “boss” tawag ni Sony “ano?” tanong ni Rosana “nakahanda na ang lahat” balita niya kay Rosana.
Lumabas narin si Julie sa bahay bitbit ang maliit na bag sa kaliwang kamay niya at mahabang maleta sa kanan “handa narin ako” sabi niya kay Rosana “Esme” “yes mama, nakahanda narin ang gamit ko” sabi ni Esmeralda. Lumabas ng bahay si Dino dala ang mga bagahe nila “binalita ni Wilfredo na nakahanda na ang bagong lilipatan natin, hinihintay na nila tayo” balita niya kay Rosana. “Sige, isakay na lahat yan sa kotse at aalis na tayo ngayon din” utos niya at kumilos na sila “boss, paano si bugoy?” tanong ni Sony “ako na ang bahala sa kanya, isang lugar lang ang pwede niyang tambayan” sabi ni Rosana at sumakay na sila sa kotse at umalis.
- Present:
Hininto ko ang sasakyan dalawang kanto ang layo sa Blue Heights Tower at ipinarada ko ito sa likod ng isang tindahan tanaw lang ang gusali “maghanda tayo” sabi ni Johny sa akin kaya lumabas kami at pumunta sa likod. Sinuot ko ang bulletproof vest pati narin ang ibang gamit sa katawan ko pati narin sa kanang hita ko para malagyan ko ng secondary sidearm ko. “Parang… sanay kana ata nito ah?” sabi ni Johyn sa akin “ah hehehe dumaan kasi ako sa training” sabi ko sa kanya “oonga pala, graduate ka nga pala sa PNPA” sabi niya sa akin.
“Hindi sa PNPA ko nakuha ang training ko” sabi ko sa kanya na napansin kong napatigil siya at tumingin sa akin “saan mo nakuha ang training kung hindi sa PNPA?” gulat niyang tanong sa akin. Pagkatapos naming maghanda sinara na namin ang likuran ng SUV at nilagay ko ang bag sa likuran ko “sa mommy ko” sagot ko sa kanya sabay kasa ko sa M16 rifle na hawak ko. “Mommy ha” sabi niya na natawa lang ako at tinapik ko siya sa balikat “kung kilala mo lang ang mommy ko, not an army in the world ang makakapagpigil sa kanya” natatawa kong sabi sa kanya na natawa narin siya.
Sumakay muli kami sa sasakyan at tinahak namin ang daan papunta sa gusali “iliko mo sa kaliwa Dave” sabi ni Johny kaya niliko ko ang sasakyan sa kaliwa at tinuro niya sa akin kung saan ko ito iparada. Sakto ang lugar na hinintuan namin dahil madilim at tago sa mga tao sa labas at pansin ko makikita mo ang entrance ng gusali sa dulo ng kalye “alam mo talaga ang lugar na ito” sabi ko sa kanya. “Oo, yun ang una kong inalam para kung me operation kami madali kong maibigay sa superior ko ang tamang daan para mapasok namin ang gusali” sabi niya.
“Maghanda na tayo” sabi niya kaya lumabas na kami “dito Dave” tawag niya sa akin “teka, akala ko ba?” takang tanong ko sa kanya dahil naglakad kami hindi papunta sa kusali kundi sa dulo ng kalyeng pinaradahan namin. “Gaya ng sinabi ko sa’yo me daan na pwede nating pasukin ang gusali na hindi nila malalaman” sabi niya sa akin nung yumuko siya at tinulak ang isang kariton. “Dito” sabi niya at tinuro niya sa akin ang butas na kasya ang dalawang tao “imburnal?” sabi ko sa kanya “oo, bakit?” tanong niya “ah.. wala sige” sabi ko at nauna siyang bumaba at sumunod na ako.
“Ang baho dito” sabi ko sa kanya “hehehe pasensya na, dito kasi dumadaan ang lahat ng tubig mula sa gusali” sabi niya “paano mo nalaman ang lugar na ito?” tanong ko sa kanya nung sinundan ko siya. “Galing sa engineer na gumawa sa gusali” sabi niya sa akin “dito Dave” tawag niya at huminto kami sa harap ng isang bakal na pinto “saan ang lagusan nito?” tanong ko. “Sa basement ito ng gusali” sabi niya “tulongan mo ako” sabi niya kaya tinulongan ko siyang hatakin ang pinto para bumukas at nung gumalaw na ito nagdulot ito ng ingay kaya tumigil kaming dalawa.
“Baka me makarinig?” sabi ko “walang tao ngayon, gaya ng sinabi ko sa’yo konti lang ang taong nagbabantay sa gusali ngayon” sabi niya kaya hinila namin ito pabukas at nung nabuksan na namin ito ng konti pumasok na kami sa loob. Sobrang dilim sa loob kaya gamit ang flashlight pumunta kami sa dulo ng basement at doon nakita namin ang pinto kaya huminto muna kaming dalawa at nagcheck sa mga gamit namin. Kumuha ako ng salamin sa loob ng bag ko at inislide ko ito ng konti sa ilalim ng pinto para tingnan kung me tao ba sa labas o wala.
“Clear!” sabi ko kaya binuksan ko ng dahan-dahan ang pinto at gaya kanina nilabas ko ng konti ang salamin para tingnan kung me cctv ba sa labas o wala “clear!” sabi ko uli kaya lumabas na kami. Pareho kaming naka bulletproof vest at me nakabitin na secondary rifle sa gilid namin, bag na me lamang mga bala at granada at dalawang side arms sa magkabilang hita namin. “Sumunod ka sa akin, watch my back” sabi ni Johny sa akin “suppressor on!” sabi ko kaya nilagay namin ang suppressor at nagsimula na kaming naglakad papunta sa stairway.
“Target is on 13th floor, keep your eyes peel and ears on at all time” sabi ni Johny “roger!” sagot ko at nagsimula na kaming umakyat sa hagdanan habang nakatutok ang armas niya sa harap sa akin naman ay sa likuran namin. Nasa third floorn na kami ng biglang tumigil si Johny “bakit?” tanong ko “shit! CCTV!” sabi niya sa akin kaya umatras kami pababa ng hagdanan ng biglang bumukas ang pintuan sa second floor. “Enemy!” sabi ko kaya wala akong choice nung na kita niya kami at tinutok niya ang baril niya sa amin kaya binaril ko siya at natumba agad siya sa sahig.
“Shit!” napamura si Johny kaya mabilis kaming bumaba sa flatform ng second floor para habulin ang pinto dahil alam naming magdudulot ito ng ingay pagsumara “got it!” sabi ni Johny nung nahawakan niya ang pinto. “Good!” nasabi ko nalang at pareho kaming huminga ng maluwang, hinila ko palayo sa pinto ang napatay ko “no choice Dave” sabi ni Johny sa akin. “Assault formation” sabi ko sa kanya “assault formation” sagot niya kaya nauna siya sa pinto at nasa likuran niya ako, nung tinapik ko siya sa balikat agad siyang pumasok payuko at sumunod ako sa kanya na agad akong tumalikod sa kanya para bantayan ang likuran namin.
Maganda ang progress namin dahil wala ngang masyadong nagbabantay sa gusali kaya natuwa kami nung narating namin ang kanto malapit sa elevator pero ang hindi namin inaasahan ang pagbukas nito sakay ang dalawang tauhan ng gusali. “DAVE!” sigaw ni Johny kaya sabay kaming dumapa sa sahig at sabay naming pinagbabaril ang dalawang tauhan sa loob ng elevator. Sabay silang bumagsak sa loob at doon narinig namin ang alarm ng gusali “shit!” napamura kami pareho ni Johny “nawala na ang element of surprise natin” sabi ko kay Johny.
Nagreload kami at sumakay kami sa elevator papunta sa 13th floor “ihanda mo ang sarili mo” sabi ni Johny sa akin dahil alam naming naghihintay sa amin ang mga tauhan ni Edwardo sa taas. Inabot ko ang phone ko sa kanang bulsa ng pantalon ko at hinanap ang pangalan ni lolo Rudy at ni ready ko ito just in case ng huminto nalang bigla ang elevator at namatay ang ilaw sa loob. “Shit! Pinatay nila ang elevator” sabi ni Johny “sa taas” sabi ko kaya tinulongan niya akong umakyat sa bubong nito at hinila ko siya pataas “parang marami kang alam ah” sabi ni Johny sa akin.
“Believe me kung kasama mo ang mommy ko marami ka talagang malalaman” sabi ko sa kanya “tara umakyat na tayo” yaya ko sa kanya kaya nagsimula na kaming umakyat sa hagdanan na nasa gilid ng elevator shaft. “Kumusta ka Johny?” tanong ko sa kanya dahil mabagal ang pag-akyat niya “ma.. maayos lang ako Dave” sagot niya na para bang nahihirapan siyang huminga. “Gusto mong magpahinga muna tayo?” tanong ko sa kanya “sira ka ba!” sabi niya na natawa nalang ako “baka kako gusto mong magpahinga muna” sabi ko “hindi! Kailangan nating makarating ang 13th floor” sabi niya kaya tumango ako at tinuloy ang pag-akyat namin.
“Sir, hindi namin sila mahanap” balita ng isa sa tauhan ni Edwardo “sir, payo ko lang po na umalis na kayo dito at kami na ang bahala sa kanila” sabi ni Roger kay Edwardo “hindi, alam kong si Ingrid ang pakay ni Johny dito” sabi ni Edwardo. “Pero sir, delikado po kung manatili kayo dito dahil alam kong malaki ang galit sa’yo ni Johny” sabi ni Roger sa kanya. “Hindi ako natatakot kay Johny pero.. curious ako kung bakit kasama niya ang apo ni Rudy” sabi ni Edwardo “hindi ba kaya sila ang nagtago kay Johny?” tanong ni Roger “malalaman natin, kailangan kong makuhang buhay ang **** yun” sabi ni Edwardo “si Johny?” tanong ni Roger na tumingin lang sa kanya si Edwardo “masusunod sir” sagot ni Roger.
Lumabas sina Roger at nag-iwan siya ng mga tauhan sa labas ng opisina ni Edwardo “kayo, dito lang kayo at huwag na huwag niyong iiwan ang posisyon niyo” utos ni Roger sa kanila. “Tawagan mo ang tauhan natin sa baba sabihin mo sa kanila na paandarin muli ang elevator” utos ni Roger na agad kumilos ang mga tauhan niya “ako ang tatapos kay Johny” sabi niya sa mga tauhan niya at pumunta sila sa me elevator. Umakyat sa hagdanan ang ibang mga tauhan ni Edwardo habang yung iba naman ay pumosisyon sa harapan ng elevator sa bawat floor ng gusali.
Narinig naming gumalaw ang elevator “not good” sabi ko kay Johny at kita kong nasa sixth floor palang kami “bilisan mo Johny!” sabi ko sa kanya kaya binilisan namin ang pag-akyat sa hagdanan. Nasa seventh floor na kami nung umakyat bigla ang elevator “Johny, bilisan mo” sabi ko sa kanya dahil malapit na ang elevator sa amin “damn it!” narinig ko galing kay Johny dahil nahirapan na siyang humakbang dahil sa sugat niya. Ginawa ko hinawakan ko ang vest niya at hinila ko siya pataas kaya mabilis siyang nakaakyat sa hagdanan at pumwesto sa kabilang side ng hagdanan.
“Dumikit ka!” sabi ko sa kanya kaya dumikit siya sa pader at doon dumaan sa harapan namin ang elevator, nakahinga kami ng maluwang at natawa kami pareho dahil sa pangyayari. “Tara!” yaya ko sa kanya at nung tumingin ako sa taas ilang akyat nalang nasa 8th floor na kami “malapit-lapit na tayo” sabi ko sa kanya kaya nagsimula kaming umakyat ng biglang narinig naming bumaba ang elevator. “Oh fuck!” napamura kami pareho kaya nagmadali akong umakyat at pinilit buksan ang pintuan ng 8th floor para makapasok kami sa loob.
“Dave!” tawag sa akin ni Johny “bakit?” “wala ka bang narinig?” tanong niya “yung elevator oo” sagot ko na umiling siya “hindi! Pakinggan mo” sabi niya kaya nakinig ako “crap!” sabi ko. “Heto” sabi niya at inabutan niya ako ng granada “just-in case” sabi niya sa akin kaya pinilit kong buksan ang pinto at nung bumukas ito ng konti tinanggal ko yung pin ng granada at binato ko ito sa loob sabay baba ko sa hagdanan. Nakarinig kami ng sigawan kasunod ang pagsabog ng grandang binato ko kanina “bilis!” sabi ni Johny sa akin kaya umakyat ako at binuksan ko ang pinto at lumabas ako.
Tinutok ko ang baril ko sa paligid at nakita kong me mga katawang nakakalat sa paligid “Johny!” tawag ko sa kanya na agad siyang umakyat at pumasok sa loob “YUKO!” sigaw ko nung me namataan akong mga taong pumasok sa loob ng floor. Pinagbabaril ko sila na tinamaan ko ang ilan sa kanila habang yung iba naman ay mabilis na nakatago sa likod ng mga furniture. Agad kaming pumwesto sa likod ng malaking bilog na pader at magkadikit ang likuran naming dalawa “sumuko na kayo kung ayaw niyong mamatay!” sigaw ng isa sa tauhan ni Edwardo.
“Buwisit ka!” sabi ni Johny sabay kuha niya ng granada at hinagis niya ito na narinig namin silang nagsigawan at nagtakbuhan sabay sumabog ang granada “let’s go!” sabi ni Johny. Lumabas kami sa likod ng poste at sabay kaming nagpaputok sa kalaban habang tumatakbo kami papunta sa pintuan ng stairway sabay tadyak ko sa pinto at bumukas ito. Nagbato ng granada si Johny sa mga kalaban namin sabay takbo namin paakyat sa taas at narinig naming sumabog ang granada “Dave, hold muna!” sabi ni Johny kaya huminto kami sa flatform sa gitna ng 8th and 9th floor.
“Bakit?” tanong ko sa kanya at nakita kong dumugo ang gilid niya “me tama ka?” tanong ko sa kanya “hindi, sugat ko ito kanina” sabi niya sa akin “shit! Kaya mo pa ba?” tanong ko sa kanya “oo, kaya ko pa” sabi niya. “Ako sa harap ikaw sa likod” sabi ko sa kanya na pumayag naman siya kaya nagsimula na uli kaming umakyat ng hagdanan at narating na namin ang 10th floor flatform nang makarinig kami ng marming yapak sa loob nito. “Johny, bilis!” sabi ko sa kanya dahil alam ko kung maabutan nila kami dito hindi magiging pabor sa amin ang sitwasyon.
Pagdating sa 11th floor flatform biglang bumukas ang pinto kaya binaril ko ang mga taong lumabas nito habang si Johny naman ay abala sa mga tauhan na nanggaling sa 10th floor. Hinila ko ng mahina si Johny nung napatay ko na ang kalaban ko at sumunod na siya sa akin at kumuha siya muli ng isang granada at binato niya sa hagdanan at saktong naakyat kami sa hagdanan papunta sa 12th floor nung sumabog ito. Huminto muna kami sa pinto ng 12th floor dahil bigla nalang bumagsak si Johny at kita kong nanghihina na siya “shit, masama ito” sabi ko na humawak siya sa braso ko.
“Tu.. tuloy natin Dave..” sabi niya “nandito na tayo wala na tayong ibang choice” sabi ko sa kanya “haa..haahh.. ” hinihingal na siya at narinig ko ang yapak ng mga paa na paakyat sa hagdanan. Kumuha ako ng granada sa bag ko at binato ko ito sa hagdanan sabay hila ko kay Johny papasok sa loob ng 12th floor at narinig kong sumabog ang granadang binato ko kanina. “Na.. nasaan na tayo?” tanong ni Johny “nasa 12th floor na tayo” sagot ko sa kanya na dahan-dahan siyang bumangon kaya inakay ko siya para tumayo “handa na ako” sabi niya “sige, tayo na” sabi ko sa kanya at naglakad na muli kami.
“Dito Dave..” sabi niya sa akin kaya pinauna ko siya habang binabantayan ko ang likuran namin “bakit, parang walang tao dito?” tanong ko sa kanya “mostly sa mga tauhan ni Edwardo nagbabantay yan sa lobby at sa opisina niya” sabi niya sa akin. “Saan tayo pupunta?” tanong ko sa kanya “dito, alam ko nandito siya” sabi ni Johny sa akin at huminto siya sa isang pinto. Binuksan niya ito at nung tumayo ako sa likuran niya nakita ko sa loob ang isang babaeng nakahiga sa kama “si Ingrid” sabi ko na lumingon sa akin si Johny “dito ka lang sa me pinto, bantayan mo ang posisyon natin” sabi niya na tumango ako at pumasok siya sa loob at niluhod ko ang isang tuhod ko at pumwesto ako.
Lumingon ako sa kanila at nakita kong lumuhod si Johny sa tabi ng kama at hinimas niya ang mukha ni Ingrid, naalala ko tuloy si Helen pero umiling nalang ako para alisin ang isipan na yun at tinuon ang pansin ko sa paligid. “Mila…” narinig kong sabi ni Johny “Mila.. nandito na ako…” sabi niya na narinig kong umungol si Ingrid “A…Albert…” sabi ni Ingrid “oo, ako ito, nandito ako para iligtas ka” sabi niya. “Huhuhu.. Albert…” umiyak si Ingrid “sshhh..sshhhh… huwag kanang umiyak aalis tayo dito… lalayo tayo at manirahan na ng tahimik.. .gaya nung pinangarap natin noon” sabi ni Johny sa kanya.
“Huhu… pa…patawad…Albert…” sabi ni Ingrid “hindi.. hindi ka dapat humingin ng tawad sa akin… ako dapat ang humingi sa’yo nun” sabi ni Johny nung nilingon ko sila nakita kong tinatanggal ni Johny ang tali sa mga kamay ni Ingrid. Nagyakapan silang dalawa at nakita kong naghalikan sila kaya umiwas ako ng tingin at hinayaan silang maglambingan “aalis na tayo dito” sabi ni Johny “hindi.. hindi na pwede..” sabi ni Ingrid kaya napalingon ako sa kanila at nakita kong tumingin sa baba si Ingrid. Inangat ni Johny ang kumot na nakatabon sa ibabang parte ng katawan ni Ingrid at nagulat nalang siya at naluha sa nakita niya.
“Haaaah… huhu… haaa..huhuhu.. ano ang ginawa nila sa’yo?” umiiyak na sabi ni Johny nung nakita niyang putol na ang dalawang binti ni Ingrid “shhh..mahal ko..” sabi ni Ingrid “papatayin ko sila… PAPATAYIN KO SILA!” sigaw sa galit ni Johny. “Sshhh… mahal ko.. ” sabi ni Ingrid na niyakap niya si Johny at pareho silang umiyak sa sinapit nilang dalawa. Naawa ako sa kanila at lalo ko lang tuloy naalala si Helen at ang relasyon naming dalawa, tama ba akong hindi na habulin si Helen, si Erica.. ano nga ba talaga kaming dalawa? Ang tumatakbo sa isipan ko pero naputol nalang ito nung me narinig akong mga ingay sa dulo ng hallway.
“Johny!” tawag ko sa kanya “Mila..” sabi ni Johny “nasa.. ilalim ng kama ko.. kunin mo” sabi ni Ingrid sa kanya kaya kinuha ni Johny ang sinabi ni Ingrid at nakita ko nung inangat ito ni Johny. “Ang itim na libro!” sabi ko “yan.. yan ang listahan ng mga taong ipinatay ni Edwardo at.. nandyan din ang.. listahan ng mga operasyon nila..” paliwanag ni Ingrid “nandito na lahat?” tanong ni Johny. “Oo, pero.. hindi yan orihinal.. kinopya ko lang yan sa orihinal na libro ni Edwardo… ” sabi ni Ingrid “Johny, malapit na sila” sabi ko sa kanya na nagkatinginan silang dalawa ni Ingrid.
// itutuloy ...
