NSFW
DaKonig
Forum Expert
CARNAL BOOK III
"Out of suffering have emerged the strongest souls; the most massive characters are seared with scars." - Khalil Gibran
“Sino ang gumawa niyan ha? Sino?!” galit na tanong ni lola sa akin “hindi na importante la, lo ano ho ba ang rason bakit niyo ako pinauwi dito?” tanong ko kay lolo Rudy na kita kong nagkatinginan sila ni lola Aida. “Sa loob na tayo mag-usap” sabi ni lolo Rudy sa akin at pumasok na kami sa loob “doon ka muna sa kusina Aida” sabi ni lolo sa kanya “sus, alam ko!” inis na sabi ni lola Aida. “Dito Dave” sabi ni lolo sa akin at pumunta kami ng bodega “lo, ano ho bang meron?” tanong ko sa kanya at humawak siya sa doorknob ng pinto “huwag kang magulat apo, me ipapakilala ako sa’yo” sabi niya sa akin sabay bukas niya ng pinto at nakita kong me taong nakahiga sa kama.
“Lo, sino ho ba siya?” tanong ko agad sa kanya dahil kita kong me bandahe siya sa mukha at sa ibang parte ng katawan niya “siya si Johny, tauhan ni Edwardo” pakilala niya na agad kong binunot ang baril ko at tinulak ko ng mahina si lolo sa gilid. “DAVE!” tawag ni lolo sa akin nung tinutok ko ang baril ko kay Johny, nakita kong walang reaction si Johny sa ginawa ko na para bang inexpect niya ang reaction ko. “Dave, ibaba mo ang baril mo” sabi ni lolo sa akin na dahan-dahan siyang lumapit sa akin “ibaba mo ang baril mo apo” sabi ni lolo Rudy.
“Bakit po? Kung tauhan siya ni Edwardo ibig sabihin kalaban natin siya” sabi ko sa kanya “hindi apo, kasapi natin siya… NBI agent siya” sabi ni lolo na humawak sa braso ko “ibaba mo yan” sabi ni lolo sa akin. “NBI? Paano….” gulat kong tanong “tama siya boy, NBI agent ako I work as undercover sa grupo ni Edwardo” sabi ni Johny sa akin kaya binaba ko na ang baril ko. “Bakit nandito siya?” tanong ko kay lolo “dinukot ako ng tauhan ni Edwardo dahil sa ginawa ko, papatayin na sana nila ako pero nakatakas ako at isa lang ang alam kong puntahan.. ang lolo mo” kwento ni Johny sa akin.
“Magkakilala kayo?” tanong ko kay lolo Rudy “ah.. mahabang kwento apo, sabihin ko nalang sa’yo mamaya makinig ka muna sa kanya” sabi ni lolo Rudy sa akin kaya kinuha ko ang silya sa gilid at naupo kami ni lolo Rudy. “Isa lang ang mission ko sa grupo ni Edwardo ang makakuha ng malakas ng ebidensya laban sa kanya at sa malaking sindikatong nasa likuran niya” panimula ni Johny. “Pang limang agents na akong pumasok sa grupo nila ang mga naunang apat sa akin ay napatay dahil na diskobre ang identity nila” kwento niya.
“Tapos?” tanong ko “limang taon akong naging undercover sa grupo ni Edwardo at sa loob ng limang taon na yun me nakuha akong mga maliliit na impormasyon na pwedeng magamit namin laban sa kanya.. pero..” putol niya. “Pero?” tanong ko “hindi daw ito sapat balita sa akin ng superior ko, kailangan namin ng listahan ng mga transactions at mga shipments at supplies na natatanggap nila” kwento niya. “Isang tao lang ang alam kong pwede magbigay ng impormasyon na yun at yun ay ang taong pinakamalapit kay Edwardo, si Ingrid” kwento niya.
“Siya ang dahilan kaya tinanggap ko ang assignment na ito at dahil dun sigurado akong makukuha ko ang impormasyon na yun” kwento niya “bakit nakakasiguro kang maibigay ito ni Ingrid?” tanong ko. “Dahil nagkaroon kami ng relasyon nung nasa kolehiyo pa kami” sagot niya na nagkatinginan kami ni lolo Rudy “gusto kong iligtas siya sa kamay ni Edwardo at sa buhay niya ngayon, alam ni Ingrid na NBI agent ako kaya naging madali sa akin ang umakyat ang posisyon ko sa grupo dahil sa tulong niya” sabi ni Johny. “Nasaan si Ingrid ngayon?” tanong ko “papunta na siya kay Edwardo, tumakas kami para lumayo, iwan ang misyon ko at mamuhay na kami ng tahimik pero..” natahimik nalang siya bigla.
“Iiwan mo ang binigay sa’yo ng superior mo?” tanong ko sa kanya “yun na sana ang balak namin, gusto narin niyang makalayo kay Edwardo pero nahuli kami ng mga tauhan niya kaya ganito ang kondisyon ko ngayon” kwento niya. Tumingin ako kay lolo Rudy at kay Johny “ano ang gusto mong mangyari ngayon?” tanong ko sa kanya “gusto kong iligtas si Ingrid sa kamay ni Edwardo” sabi niya na pareho kaming nagulat ni lolo Rudy sa sinabi niya. “Nahihibang ka na ba?” tanong ni lolo Rudy sa kanya “alam kong mahirap pero mahal na mahal ko siya manong” sabi ni Johny.
“Hindi madali ang sinasabi mo” sabi ko sa kanya “isa pa, kung sa gusaling yun siya itatago ni Edwardo malamang mahihirapan kang pumasok doon” dagdag ko “alam ko, pero me alam akong daan na pwedeng pasukin ang gusaling yun na hindi nila malalaman” sabi ni Johny. “Hindi tama ito” sabi ni lolo Rudy “hindi nga lo, labag ito sa batas at isa pa kamatayan lang ang naghihintay sa’yo doon” sabi ko kay Johny. “Kaya nga nandito ako para hingin ang tulong niyo” sabi niya sa amin na napatayo si lolo Rudy sa sinabi niya “hindi maari! Hindi ako papayag!” sabi ni lolo sa kanya.
“Dave, hindi ba me iniimbistagahan kayong kaso?” tanong ni Johny sa akin “oo, bakit?” tanong ko “alam ko kung sino ang pumatay sa kanya at pwede kong ituro sa’yo kung nasaan siya” sabi ni Johny sa akin. “Nasa gusaling yun?” tanong ko na tumango si Johny “si Roger, siya ang kanang kamay ni Edwardo ngayon” sabi ni Johny sa akin “hindi parin sapat yun Johny kung huhulihin ko si Roger na wala kaming sapat na ebidensya” sabi ko sa kanya. “Me ebidensya kang makukuha doon, me itim na librong itinatago si Edwardo sa opisina niya, listahan yun ng mga taong ipinatumba niya” sabi ni Johny sa akin.
“Hindi ako papayag sa pinaplano mo Johny” sabi ni lolo sa kanya “alam kong delikado pero kung makakatulong ito sa atin handa kong isugal ang buhay ko” sabi ni Johny sa kanya. “Babae lang siya Johny kumpara sa buhay mo” sabi ni lolo sa kanya “buhay ko siya manong at mahal na mahal ko si Milagros” sabi ni Johny “Milagros?” tanong ko “yun ang totoong pangalan ni Ingrid, gumamit lang siya ng alyas para itago ang kahapon naming dalawa” sabi ni Johny. “So naging girlfriend mo siya noong college pa kayo bakit mo isusugal ang buhay mo para sa kanya? Dahil lang sa pagmamahal mo?” tanong ni lolo sa kanya.
“Hindi lang pagmamahal manong, me hinahawakang ebidensya si Ingrid na magiging daan para makilala namin kung sino ang punong supremo ng sindikato” sabi ni Johny na napansin kong nagulat si lolo Rudy. “Sinong supremo?” takang tanong ko “isa lang sa Heneral ng sindikato si Edwardo apo, me isang taong humahawak sa kanilang lahat tumatayong lider ng grupo nila yun ay ang punong supremo” paliwanag ni lolo sa akin. “Kung ganun importante palang makuha natin si Ingrid kung me impormasyon siya tungkol sa taong ito” sabi ko na umiling si lolo Rudy “hindi madali ang binabalak niya apo, hindi ganun ka **** si Edwardo para ipagkatiwalaan niya si Ingrid ng ganun” sabi ni lolo.
“Mali ka!” bulalas ni Johny “kilala ko si Edwardo, maingat siyang tao” sabi ni lolo sa kanya “hindi kay Ingrid, iba ang dating ni Ingrid kay Edwardo” paliwanag ni Johny “paano mo nasabi yan?” tanong ni lolo sa kanya. “Saksi ako sa pagbabago ni Edwardo, simula nung pumasok ako sa grupo niya hanggang ngayon malaki ang pinagbago niya dahil yun kay Ingrid” sabi ni Johny. “Baka hindi ang Edwardo’ng nakilala ko ang sinasabi mo” sabi ni lolo sa kanya “maniwala kayo sa akin, tatanawin ko itong malaking utang na loob sa inyo kung tutulongan niyo ako” sabi ni Johny sa amin.
“Tempting” sabi ko na binatukan ako ni lolo Rudy “hindi ka sasama sa kanya at lalong-lalo na ikaw Johny hindi ka aalis sa pamamahay na ito!” sabi ni lolo Rudy sa amin. “Paano si Ingrid?” tanong ni Johny “maganda ang pinaplano mo Johny pero risky, paano kung wala ang sinasabi mong libro sa opisina niya, ano ngayon?” tanong ko “nandun yun, nakita ko mismo ang librong yun nasa safety deposit box niya” sabi ni Johny. “Gaya ng sinabi ko kanina hindi **** si Edwardo para mag-iwan ng ganung malaking ebidensya laban sa kanya ng ganun-ganun lang” sabi ni lolo sa kanya.
“Alam kong nandun yun manong, sinabi sa akin ni Ingrid nasa ilalim ng mesa niya ang safety box niya” sabi ni Johny na napailing nalang ako at napatingin ako sa oras mag-aalas dose kinse na pala. “Wala na akong oras kailangan kong bumalik sa presinto” sabi ko “kumain ka muna bago ka umalis” sabi ni lolo sa akin “Dave..” tawag ni Johny sa akin “alam kong maganda ang hangad mo para sa babaeng yun Johny at doon sa sinasabi mong ebidensya.. pero hindi ko kayang isugal ang buhay ko para lang dun” sabi ko sa kanya. “Pag-isipan mo ng mabuti ang sinabi ko please..” sabi niya na napatingin ako kay lolo Rudy at umiling siya.
“Lo, dadalhin ko nalang sa presinto ang tanghalian ko doon ko nalang ito kakainin” sabi ko sa kanya “sige, sabihin ko sa lola mo” sabi ni lolo Rudy at lumabas siya ng bodega. “Sasamahan kita mamayang gabi, hopefuly tama ang impormasyon mo” sabi ko kay Johny na nakita kong nabuhayan siya ng loob “oo, one hundred precent Dave” sabi niya sa akin. “Good, magpahinga ka ng mabuti lalakad tayo mamaya pagtulog na sila” sabi ko sa kanya na ngumiti siya “sige” paalam ko at luamabas na ako ng bodega. “Heto na apo” inabot ni lolo sa akin ang tupperware “sige lo baka ma late pa ako” paalam ko “sige apo, mag-ingat ka sa byahe at huwag mong ipagsabi sa iba ang ano meron dito” sabi niya na tumango ako at umalis na ako.
Habang pabalik ako ng presinto me motor na tumabi kay Pinky at suminyas ito na tumabi ako kaya itinabi ko sa daan si Pinky at huminto siya sa tabi ko “bakit?” tanong ko at tinaas niya ang helmet niya. “Kumusta ang mukha mo?” tanong niya sa akin “****! Ikaw kumusta?” natatawang tanong ko sa kanya “hahaha, saan ka pupunta?” tanong niya sa akin. “Babalik sa presinto, bakit?” tanong ko “usap muna tayo” sabi niya “wala na akong oras” sabi ko sa kanya “c’mon Dave be a brother!” sabi niya sa akin “fool! Wala na talaga akong oras, teka bakit parang clingy ka ata?” tanong ko sa kanya “masama bang makipag-usap sa kapatid mo?” tanong niya.
“Hindi naman pero wala na akong oras kailangan kong bumalik ng presinto” sabi ko sa kanya “fine! Meet nalang tayo after work mo” sabi niya sa akin “sorry, pupunta ako ng office dahil me meeting kami mamaya” sabi ko sa kanya. “Fool! Sige na nga!” sabi ni Marcus at bigla nalang niyang pinatkbo ang motor niya at iniwan akong umuubo dahil sa usok ng motor niya. “**** yun!” sabi ko nalang at umalis papunta sa presinto, pagdating ko doon wala si Erica inisip ko baka lumabas para mananghalian kaya sakto din makakain narin ako.
Pagkatapos kong ligipitin ang tupperware ko at mahugasan bumalik na si Erica at me dala itong supot at binato sa akin “ano ito?” tanong ko sa kanya “kainin mo” sabi niya sa akin kaya tiningnan ko kung ano. “Wow, brownies” natutuwa kong sabi na inisnaban lang niya ako at naupo sa silya niya “salamat” sabi ko habang ngumunguya “huwag kang magsalita habang ngumunguya ka, ****!” galit niyang sabi sa akin. “Sorry” sabi ko na tiningnan niya ako ng masama “dumating na ba si Hepe?” tanong niya “hindi pa, kumain ka na ba?” tanong ko sa kanya.
“Malamang” sabi niya at napansin kong tumingin siya sa orasan at sa monitor niya “bakit?” tanong niya sa akin dahil nakatingin lang ako sa kanya “ah.. wala hehehe” sabi ko na umiling lang siya. Gusto ko sanang sabihin kay Erica ang tungkol kay Johny pero nagdadalawang isip ako dahil sinabihan ako ni lolo Rudy na huwag ipagsabi sa kung sino na nasa bahay niya si Johny. “Teka kukuha lang ako ng maiinom, gusto mo?” tanong ko sa kanya “no thanks” sagot niya kaya pumunta ako ng kusina para uminom ng tubig at pagbalik ko nakita kong me kausap siya sa telepono at sa mukha niya para hindi niya nagustohan ang kausap niya.
“Me problema ba?” tanong ko sa kanya nung binaba na niya ang telepono “si Hepe, hindi na daw babalik dito dahil me pupuntahan siyang isa pang meeting” sabi niya “ah ganun ba?” “hmp!” lang siya. Nagtataype na muli ako ng report nang tumunog ang phone sa desk ko “hello” sagot ko “Insp. me bisita ka” sabi ng front desk officer “bisita?” takang tanong ko na napatingin sa akin si Erica. “Oo, hinihihntay ka niya ngayon dito sa front desk” “sige, pupunta na ako diyan” sabi ko at binaba ko na yung telepono “ano yun?” tanong ni Erica sa akin.
“Me bisita daw ako” sabi ko at naglakad na ako papunta ng front desk at napailing nalang ako kung sino “sa labas tayo” sabi ko sa kanya at sabay kaming lumabas ng presinto. “Ano ba ang problema mo?” tanong ko kay Marcus na nakangiti lang itong nakatingin sa akin “wala lang, gusto ko lang makipag bonding sa’yo” sabi niya “bonding? Are you crazy?! Hindi dapat tayo magkita in public alam mo kung ano ang sitwasyon natin hindi ba?” sabi ko sa kanya. “Pfffttt, who cares kung sino ang makakita sa atin” sabi niya “alam kong namumukhaan ka nila at kung makita nila tayong magkasama magkakaroon tayo ng malaking problema” paalala ko sa kanya.
“C’mon bro don’t be like that” sabi niya sa akin “ano ba ang problema mo?” tanong ko sa kanya na ngumiti siya “sorry Dave but I always wanted a brother not a sister, kaya nung nalaman ko ang tungkol sa’yo natuwa ako at hindi makapaghintay na makilala at makita ka” kumpisal niya sa akin. Napatingin lang ako sa kanya at nakaramdam ng hiya “look, i’m really sorry kung ganun ang approach ko sa’yo” sabi ko sa kanya “don’t worry, as your older brother I will do anything for you Davideo” sabi niya sa akin na napangiti ako “talaga? Lahat?” tanong ko sa kanya na sinuntok niya ako ng mahina sa braso “not the kind of things na iniisip mo, ****!” sabi niya na natawa nalang ako.
“Me oras ka ba mamayang gabi?” tanong niya sa akin “bakit?” tanong ko “me dala akong dalawang six pack at hindi ko maubos yan mag-isa” sabi niya “pasensya na bro busy ako mamaya eh” sabi ko sa kanya. “Ganun ba? Ok lang save ko nalang yung beer para next time” sabi niya sa akin na nilagay ko ang isang kamay ko sa balikat niya “nung una hindi ako sang-ayon na magkapatid tayo” panimula ko. “Pero nung nagpalitan na tayo ng kamao doon ko naramadaman ang nararamdaman mo” patuloy ko “same here, but to be honest, excited akong makilala ka dahil hindi lang pala ako ang nag-iisang lalake sa pamilya natin” sabi niya sa akin na natuwa naman ako.
Gusto ko na sanang sabihin kay Marcus ang plano ko mamayang pagsama kay Johny pero inisip ko baka maging komplikado lang ang lahat at isa pa baka pipigilan din niya ako kaya ng gagawin ni lolo Rudy pagnalaman din niya ang balak ko. “Tomorrow” sabi ko sa kanya “alright, tomorrow” sagot niya at nagkamayan kaming dalawa at umalis narin siya “Dave!” tawag niya “yeah?” “stay alive” nagulat ako sa sinabi niya pero umayos ako at tumango sa kanya. Pagbalik ko sa loob nakita kong wala nanaman si Erica “saan nanaman yun nagpunta?” tanong ko sa sarili ko pero nagkibit-balikat nalang ako at umupo muli sa silya ko.
Maya-maya tumunog ang phone ko “hello” sagot ko “Insp. Reyes can you please come to my office” sabi ng caller sa linya “po?” “come in my office Insp. Reyes” sabi niya na nabosesan ko si Hepe. “Right away Chief” sagot ko at agad kong binaba ang telepono at pumunta sa opisina niya, napansin ko sa buong presinto na konti lang ang tao dito dahil sa mga oras na ito nagpapatrolya ang mga kasamahan kong pulis. “Hmm. wala ang sekretarya niya at bumalik na pala si Hepe” sabi ko sa sarili ko nung nasa harap na ako ng pintuan ng office niya.
Kumatok ako bago pumasok at pagbukas ko nakita kong wala si Hepe sa desk niya “Chief?” tawag ko nung nasa bukana ako ng pinto ng biglang me humawak sa kamay ko na nagmula sa likod ng pinto at hinila ako papasok sa loob. Sa laking gulat ko hindi ko namalayan na sumempla ako sa desk ni Hepe at pagkalingon ko nakita ko si Erica na sinara nito ang pinto ng opisina. “Te.. Tenyente?” gulat kong sabi “bakit?” tanong niya “a.. akala ko kasi si Hepe ang tumawag sa akin” sabi ko sa kanya “hmp! Sinabi ko sa’yo kanina hindi ba na hindi na siya makakabalik today dito sa presinto” sabi niya sa akin.
// itutuloy ...
