Gamit ang Bibig

Kung ibabatay sa taong nagbibigay nito, ang oral sêx ay isang kakaibang paraan ng pagpapaligaya sa sekswal na paraan. Ang bibig - na karaniwang nakalaan para sa pagsasalita, pagkain, pag-ubo, paghikab at paghinga ay inilalagay sa serbisyo sa ari ng ibang tao. Ang ating mukha ay ang pinakapersonal na bahagi ng katawan, ang maliit na teritoryo nakakabit sa pagkakakilala sa atin, kung saan tayo nakikilala ng iba at kung saan tayo ay karaniwang nagbibigay ng pinakamaingat na atensyon.


Ngunit ngayon sa oral sêx, ang mukha nating ito ay idinidikit o idinidiin sa ari ng ibang tao. Kung titingnan ang lahat ng natutunan natin sa bagay-bagay, may ilang bagay na mas kakaibang pagdugtungin kaysa sa mukha at ari.

Noon, bilang mga bata ay maaaring wala tayong mga pagpipigil sa paligid ng ating sariling mga ari; pinapalitan ng mga tao ang ating mga lampin nang libu-libong beses, pinaliguan tayo ng ating mga magulang, kung minsan, ang bawat bahagi natin mula sa tuktok ng ulo hanggang sa ating mga paa ay pantay na walang malisya; sa mahabang byahe ay nagagawa nating umihi sa gilid ng kalsada nang walang alinlangan.

Ngunit biglang nagbago ang mga bagay. Unti-unti nating natututunang ang ilang bahagi ng ating mga katawan ay kailangang panatilihing nakatago at ang hindi paggawa nito ay magiging mapanganib, kahiya-hiya at kasuklam-suklam. Naturuan tayong maraming bagay na naiisip nating gawin – tulad ng paglalaro gamit ng ari, pagbukas ng pantalon ng iba upang tingnan, pagsilip ng palda – ay masama at marumi at lubhang hindi katanggap-tanggap na may ilang mga pahiwatig pa na ang mga bagay na ito ay maaaring maihambing sa kahindik-hindik na mga senaryo ng abuso at pagsasamantala. Natututo tayong panatilihing umiwas ang ating mga mata mula sa mga bahagi ng ari ng ibang tao; lubos tayong nag-iingat sa pagbibihis upang sa paggamit ng tuwalya sa mga madiskarteng paraan upang matiyak na walang sinuman ang makakakita sa mga bahagi ng ating sarili na kinikilala nating 'pribado'. Tinanggap na nating hindi tayo maaring matanggap ng lipunan nang kasabay ang ihayag ang ating pisikal na kasarinlan. Ngunit kahit na nagawa na nating pigilan ang dating laya sa katawan, hinding-hindi natin nalilimutan kung gaano kasarap ang maging bukas at maging tagapagbigay ng kasiyahan sa iba, mabigyang galak ang ibang tao sa bawat sulok ng katawan.

Ang sêx ay sandaling kalayaan mula sa parusa ng salungatan ng marumi at malinis. Literal na dinadalisay tayo nito – sa pamamagitan ng pagsali sa mga tila maruming panig ng ating mga sarili sa mga laro nito. Maaari nating idiin ang ating mga bibig, ang pinaka-publiko at kagalang-galang na mga aspeto ng ating mga mukha, nang buong pananabik sa mga pinaka-kontaminadong bahagi ng isa - sa gayon ay sumisimbolo ng isang kabuuang sikolohikal na pag-apruba, tulad ng isang paring tumatanggap sa isang makasalanan, nagkasala ng maraming mga paglabag, pabalik sa silong ng Simbahan na may banayad na halik sa nuo.

Ang kasiyahan ng paggamit ng bibig sa oral sêx ay lubos na mayaman sa kabuluhan. Ito ay hindi lamang pangunahin tungkol sa isang kaaya-ayang pisyolohikal na sensasyon, ito ay tungkol sa pagtanggap - at ang karagdagang pangakong pagwawakas ng lumbay.​